Mga Pamaagi sa Pagtuman sa mga Balaod sa Dios

Ang unang pagbasa, gikan sa basahon ni Propeta Sirac, naghisgot nga ang matuod nga kagawasan gidalit ngadto sa mga tawo nga anaay kahadlok sa Dios tungod kay ang Dios wala man magtugot sa katawhan sa paghimo og kadautan batok sa uban, ni magsugo sa pagbuhat og dili makiangayon.

Si San Pablo, diha sa ikaduhang pagbasa, mitudlo sa katawhan sa Corinto kabahin sa pagkahamtung diha sa pagtuo. Sila mao kadtong nagtamud sa mga tinago nga kinaadman sa Dios — kinaadman nga wala masabti sa mga tig-a og kasingkasing. Ang mga hamtung sa pagtuo mao sila nga putli sa ilang mga laraw ug tiunay sa ilang mga tinguha sa pagsunod sa mga tinago’ng kaalam sa Dios.

Sa panudlo ni Jesus sa iyang mga tinun-an sa ebanghelyo karon, iyang giklaro nga ang iyang pag-anhi dili aron pagsalikway sa Balaod ni Moises ug sa pagtulon-an sa mga propeta, kondili aron paghatag og tukma’ng kahulugan niini. Labot pa, iyang gipahimug-atan nga ang bisan labing gamay nga kudlit o tudling, o ang labing dyotay nga bahin sa balaod, dili gayud sayloan hangtud nga matuman ang tanan.

Kon literal lang ang pagsabot nato sa panudlo ni Jesus, sayon ra man kaayo pagtuman sa balaod nga gilatid kanato. Kapila ra ang pagsunod sa unsay mga gilatid sa mga balaod. Pasabot ani nga ang balaod matuman kon Makita nato nga nagbuhat kita sa unsay gilatid sa balaod. Gitawag kini og “observable actions”. When an external and observable action is done in accordance with the law, then we could say that the law is fulfilled. Normal ni nato nga pagsunod sa Balaod.

Apan lahi ang gipahimug-atan ni Jesus, labi na sa iyang pag-ingon: “Hangtud nga ang inyong pagkamakatarung dili molabaw pa sa mga Pariseo ug mga magtutudlo sa balaod, dili kamo makasulod sa Gingharian sa Langit.” Wala kini magpasabot nga bati nalang gyud kaayo ang mga Pariseo ug magtutudlo sa balaod. Tiunay ug makanunayon baya usab sila sa pagtuman sa gilatid sa mga balaod. Apan gipasabot ni Jesus dinhi nga mas palabwan pa unta nila ang mga Pariseo ug mga magtutudlo sa balaod sa pagtuman sa mga balaod. Tungod kay ígo ra man gud para nila nga makasunod lang sila sa mga observable actions subay sa balaod. Sa ingon, nakatuman na sila.

Nan, gipahimug-atan ni Jesus nga diha sa pagtuman sa Balaod, kinahanglan magsukad gayud kini sa matuod nato nga kagawasan. Dinhi mahinumduman nato si Propeta Sirac sa unang pagbasa karon. Matud pa, mapatuman ang pagsunod sa mga balaod kon nagsukad kini sa kaputli sa atong mga laraw, diha sa katiunay sa atong mga tinguha nga maghatud kanato sa matuod nga kagawasan. Ug kon matuod ang atong kagawasan, gibadbaran kita sa kaulipnan sa pagsunod lamang sa unsay mga makita sa mga mata o ang mga observable actions lamang nato. Sa ato pa, naa gyud untay panagtagbo sa external action of the law and the internal freedom. And such true freedom would lead us to seeing the hidden mysteries of God’s wisdom for us. Ug si San Pablo sa ikaduhang pagbasa karon, nagtudlo kanato nga The fulfilment of the law is in the spirit of true freedom and acting on and growing in the wisdom of God.

Pananglit, nagkanayon si Jesus nga ang balaod nag-ingon ‘Ayaw pagpatay.’ Tinuod, wala ta nakapatay kay wala man ta makadunggab, makaligis, makapusil o unsa pa. Apan gidala kita ni Jesus didto sa tinago nga kinaadman sa iyang pag-ingon nga ang masuko sa iyang isigkatawo, ang maghingalag kwanggol o buang sa iyang isigkatawo hukman ug pagasilotan. Wala gyud tuod tay gibuhat batok sa atong isigkaingon apan diha sa sulod sa atong kasingkasing anaa ang dautang tinguha batok sa atong isigkatawo. Sa maong paagi, nahimo na kitang ulipon sa kasilag ug kapungot. Deep inside our hearts we are not free – we are not free to love, we are growing in our slavery to the false wisdom of anger.

Kining tanan, naghagit kanato nga ang pagtuman sa balaod o ang katumanan sa balaod atong masinati diha sa matuod nga kagawasan inubanan sa kaputli sa atong mga laraw ug katiunay sa atong mga tinguha aron motubo kita diha sa tinagong kaalam ug grasya sa Dios nga gipabuhi ni Jesus. Dili nato kini mahimo nga kita-kita ra, mangayo kita kanunay sa grasya ug lamdag sa Dios.