Ang Social Teachings ni Leon XIV

Hapit na mo usa ka tuig si Leon XIV diha sa iyang pagka Santo Papa. Hangtod karon, nag sige pag basa ang mga gitawag natog “Vatican analysts” kung unsa’y templada sa iyang liderato. Dakong pangutana hangtod karon kung iya bang padayonon ang mga nasugdan sa nipanaw nang si Papa Francisco, o ba kaha mag himo siya, sa dili madugay, og bag-ong karsada nga atoang pagalaktan.

Kining debate ug diskusyon sa “continuity” versus “change” nagpabiling tema sa mga nag-obserbar ni Papa Leon XIV. Diha sa natad sa katilingbanong pagpanudlo sa Simbahan kun social teachings, daghang mo ingon nga siya usa ka “continuity” sa nilabay’ng pang-gobierno sa Simbahan. Apan aduna puy mga naglaum nga tungod sa iyang pagka-Agustino, siya mo hatag, sama ni Papa Benedicto XVI, ug mas dakong importansya sa balanse sa “hustisya” ug “caritas” kun gugma.

Lisod o hilaw nga atoa dayong husgahan ang direksyon sa atong Simbahan ubos ning bag-ong liderato. Busa maminaw una kita sa mga gipanudlo na ni Leon XIV.

Sama ni Papa Francisco, siya mihatag og importansya sa “human solidarity” kun ang panaghiusa ug panagtimbayayongay sa mga tawo. Sa iyang mga komento kabahin sa hisgutan sa migration sa Estados Unidos, siya mi-abin pabor sa mga “migrante” ug sa mga nanga ligsan sa polisiya sa administrasyon.

Sa iyahang address sa Centesimus Annus Foundation siya mipahinumdom nga walay nasud o kontinente ang maka puyo diha sa kalinaw ug nga mo lambo kung kini wala naga puyo o nagasunod sa kamatuoran ug ang mga sukaranan sa hustisya (no country or continent can live in peace and thrive without commonly held truths that inform its norms and values).

Diha sa iyang unang Apostolic Exhortation Dilexi Te, siya mipahimug-at sa kining gitawag og “transforming power” nga naa sa kasing-kasing sa misyon sa Simbahan. Usahay ang mga tawo nag huna-huna na ang Simbahan kutob ra gayud diha sa charity work, usahay “dole out” pa gani. Apan si Leon XIV mipahimangno, “charity has the power to change reality; it is a genuine force for change in history. It is the source that must inspire and guide every effort to “resolve the structural causes of poverty.” Sa minubong hubad kini nag ingon nga ang gugma adunay gahum o ba kaha usa ka gahum sa pag-usab sa realidad. Usa kini ka tiunay na kusog na makapasibog sa kasaysayan.

Kining maong posisyon sa atong Santo Papa usa ka pagpalanog sa daan nang gisulti ni Benedicto XVI diha sa iyang duha ka ensiklikal, and Deus Caritas Est ug Caritas in Veritate. Ang imbitasyon para kanatong mga Katoliko gikan ni Leon XIV kay ang pagpadayon sa tradisyon sa Catholic Social Teachings pinaagi sa pagbarog ug pagpalanog sa mga gipanulti na sa atoang Sancta Iglesia kaniadto pa. Igo ug ha-um kaayo kini sa gisulti sa ebanghelyo kanato karong Domingoha: kamo ang asin sa katawhan, kamo ang kahayag sa katilingban.