Mga tulay, dili mga babag ang panawagan sa mga Obispo sa Asya human sa asembliya sa Jakarta

Mga Katoliko nga obispo latas sa Asya mihuman sa hataas nga semana sa panagtagbo niadtong Domingo sa panawagan paghimo og mga tulay, dili mga babag latas sa kontinente nga nakigbisog batok sa giyera, paglangyaw ug dili patas nga pagtrato.

Ang mensahe miabot atol sa kataposan sa ika-12 nga plenarya asembliya sa Federation of Asian Bishops’ Conferences, nga nagtigom sa mga cardinal ug obispo gikan sa 22 ka mga miyembro nga episcopal conferences sulod sa unom ka adlaw nga pag-ampo ug diskusyon sa kaulohan sa Indonesia.

Sa ilang panapos nga pamahayag, ang mga obispo miingon nga si Kristo mismo kakitaan nga usa ka buhing tulay nga nagsumpay sa langit ug yuta, ang nga ang simbahan sa Asya gitawag sa pagsunod niining maong ehemplo sa panahon sa panagbahinbahin.

Matud nila, ang atong pagtoo nagtawag kanato sa paghimo og mga tulay ug dili mga babag, nagpunting sa ilang pagbisita sa agi-anan nagkonektar sa Our Lady of Assumption Cathedral sa Jakarta ngadto sa Istiglal Mosque isip pruweba nga ang maong ideya mahimo kon buhaton.

Gilista sa mga obispo ang mga hagit nga nagsulay sa rehiyon: pagkabahinbahin sa politika; nagkahuyang nga institusyon sa kalibutan; paspas nga pag-uswag sa teknolohiya; paglangyaw; kaguba sa kinaiyahan; nagkagamay nga luna sa demokrasya; ug nagkadako nga bung-aw tali sa datu ug kabus.

Imbis nga tratohon kining mga problema isip mga paghulga lamang, ang mga obispo miingon nga nakita nila kini isip kahigayonan sa simbahan sa pagpakita sa mga hiyas niini pinaagi sa edukasyon, interfaith dialogue, pagkamaabi-abihon ug suporta sa mga kabus.

Gitumbok usab sa mga obispo ang problema nga mas haduol: klerikalismo, o sobra nga gahum gihuptan sa klero, nga ilang giingon nga mahimong babag sa giambitan nga pagdesisyon sulod sa simbahan.

Matud nila nagkinahanglan kini sa padayon nga pastoral ug sinodhon konbersyon, naghambin sa kultura sa pagpamati, inambitan nga pag-aninaw, ug pagkasuloguon nga pagpangulo.

Sa usa ka mensahe ngadto sa asembliya, si Pope Leo XIV miingon sa mga obispo nga ang mas haduol nga kahiusahan tali sa mga lokal nga simbahan sa Asya maoy yabe sa paghimo sa ilang misyon isip mga tigpanday og tulay sa rehiyon nga adunay daghang relihiyon ug kultura.

Ang mensahe nagsandig pag-ayo sa ideya sa sinodalidad, usa ka termino nga gigamit ni Pope Leo XIV ug ni Pope Francis sa paghulagway sa mas kolektibo, binase sa pagpaminaw nga pamaagi sa liderato sa simbahan, komparar sa gikan sa taas padung sa ubos nga pagdesisyon nga gihimo sa mga kaparian lamang.Mipasa

lig usab ang mga obispo nga maglakaw uban sa laing pagtuo isip “fellow pilgrims” nga nangita sa kamatuoran, hustisya ug kalinaw, ug sa pagbarog uban sa mga kabus ug mahuyang sa ilang pagduso sa mas kusog nga proteksyon sa kinaiyahan.

Ang mensahe gihatag atol sa panapos nga Misa sa asembliya didto sa Jakarta Cathedral pinaagi ni Archbishop Gilbert Garcera, ang presidente sa Catholic Bishops’ Conference of the Philippines. | CBCP News