Pope Leo ngadto sa mga Katoliko magbabalaod: Pauswag sa AI nga nagprotekta sa pamilya

Giawhag ni Pope Leo XIV ang Katoliko magbabalaod sa pagpauswag sa mga polisiya nga nagdepensa sa mga pamilya gikan sa kapiligro sa artipisyal nga intelehente (AI).

Ang papa mihatag sa iyang mensahe niadtong Agosto 21 sa usa ka pakighimamat didto sa Vatican uban ang mga partisipante sa ika-17 nga tinuig nga pagtagbo sa International Catholic Legislators Network (ICLN), nga gipahigayon sa Roma Agosto 20-23.

Ang mga Cardinal Christoph Schönborn, Béchara Boutros Raï, ug Charles Maung Bo mitambong sa pakighimamat isip mga patron sa network.

Dili gayod tugotan ang AI nga makapahuyang sa pamilya

Sa iyang mensahe, si Pope Leo namalandong sa tema sa maong panagtagbo, “Human Dignity and Artificial Intelligence: Challenges, Chances, and Control.”

“Artificial intelligence must never be allowed to erode this primary cell of society — whether by reducing persons and relationships to data and simulations, by flooding young minds with content that distorts desire, or by economic models that make family life economically precarious,” pasabot ni Pope Leo.

(Dili gayod tugotan ang AI nga makaanod sa unang elemento sa katilingban – bisan sa pagpagamay sa mga tawo ug relasyon ngadto sa datos ug replica, pinaagi sa pagbaha sa mga linghod nga hunahuna og mga butang nga makapahiwi sa gusto, o pinaagi sa mga modelo sa ekonomiya nga makapahimo sa kinabuhi sa pamilya piligroso sa ekonomiya.)

“For this reason, I encourage you to promote policies that strengthen marriage and families, support parents in their educational mission, and enable young people to look to the future with confidence.”

(Tungod niini, gidasig ko kamo sa pagpauswag sa mga polisiya nga makapalig-on sa kaminyuon ug pamilya, nagsuporta sa mga ginikanan sa ilang misyon sa pag-edukar, ug makahimo sa mga batan-on sa pagtan-aw ngadto sa umaabot nga may kadasig.)

Unya mipahinumdum ang santo papa nga ang ilang responsibilidad dili ang pagpakgang sa kauswagan apan ang pagpauswag sa komon nga kaayohan.

“Responsible for providing policies for the administration of technology for the common good, your task is not to hinder innovation but to guide it wisely,” miingon si Pope Leo. “[Sound legislation] should protect users from exploitation, preserve personal privacy, ensure transparency in the use of emerging technologies, and guarantee that they strengthen democratic institutions.”

(Responsable sa paghatag og mga polisiya alang sa administrasyon sa teknolohiya alang sa komon nga kaayohan, ang inyong tahas dili ang pagpakgang sa kabag-ohan apan ang paggiya niini nga maalamon. Ang maayo nga balaodnon dapat modepensa sa mga mogamit batok sa pagpahimulos, maghipos sa personal nga impormasyon, magsiguro sa transparensiya sa paggamit sa nagkasaka nga teknolohiya, ug naggarantiya nga kini sila nagpalig-on sa demokratiko institusyon.)

Ang ICLN gitukod pag 2010 didto sa Austria aron mangalagad isip network alang sa mga Katoliko magbabalaod sa tibuok kalibotan. Sukad niadto, ang tinuig nga pagtagbo niini gihimo sa Roma. Atol sa ilang pagtagbo niadtong 2025, si Pope Leo miawhag sa mga miyembro sa pagkuha og inspirasyon sa gisulat ni San Agustin “City of God.” | ISHMAEL ADIBUAH, EWTN