Obispo, dakong bakak ang reforestation samtang 57,000 ka mga kahoy ang pagaputlon sa Palawan

ZAMBOANGA CITY – usa ka Katoliko nga obispo ang miingon nga dakong bakak ang reforestation, nga ang tree planting dili makahulip sa karaan kalasangan samtang 57,000 ka mga kahoy ang giingong pagaputlon sa southern Palawan alang sa usa ka proyekto sa pagmina.

Si Obispo Broderick Pabillo sa Taytay mihimo og pahayag samtang iyang giawhag ang mga religious leaders sa pagsulti batok sa pagguba sa kalikopan ug pagpalihok sa mga komunidad aron sa pagprotekta sa kalasangan.

“You can plant the trees, but you cannot replant the forest,” ingon ni Pabillo sa iyang homiliya atol sa Misa pagsugod sa 2nd National Convention of the Conference of Major Superiors in the Philippines. “That’s why the term reforestation is wrong. It’s a big lie.”

(Mahimo kang magtanom og kahoy, apan dili nimo mahimong itanom pag-usab ang lasang. Mao nga ang termino nga reforestation sayop. Dako kana nga bakak.)

Gisaway ni Pabillo ang gobyerno sa pagtugot niini nga liboan ka mga dagkong kahoy ang pamutlon alang sa pagmina.

“Creation is not just to be exploited, to be used, but also to be respected,” miingon siya.

(Ang kamugnaan dili lang pahimuslan, gamiton, apan usab respetohon.)

Nagpasidaan siya nga ang pagguba sa kalikopan dili madugay makaapektar sa mga komunidad, nagsaysay siya sa mga pagbaha ug uban pang mga katalagman isip konsekwensiya sa pagpabaya sa kinaiyahan.

“God always forgives. Man, from time to time, we forgive. Creation never forgives. What we do to it will come back to us,” ingon ni Pabillo.

(Ang Dios kanunay nagpasaylo. Ang tawo, usahay, mopasaylo. Ang kamugnaan dili gayod mopasaylo. Kon unsay atong buhaton kaniya mobalik ra usab kanato.)

Gikonektar usab ni Pabillo ang pagprotekta sa kalikopan ngadto sa misyon sa mga relihiyoso komunidad, nag-ingon nga ang pag-amping sa kamugnaan lakip sa ilang Kristohanong responsibilidad.

“Creation is part of His redemptive work,” miingon siya. “So, as religious, we are committed to the care of creation.”

(Ang kamugnaan lakip sa Iyang makaluluwas nga buhat. Busa, isip mga relihiyoso, desidido kita sa pag-amping sa kamugnaan.)

Giawhag niyag ang mga relihiyoso superyor sa pagpahimulos sa Season of Creation aron sa pagpauswag sa environmental awareness ug kaisog sa mga komunidad sa pagsulti alang sa proteksyon sa kinaiyahan.

“We should make our leaders and our own people conscious of this, and encourage them to speak more on behalf of creation,” ingon siya.

(Atong pahibaw-on ang atong mga kadagkoan ug katawhan kabahin niini, ug dasigon sila sa pagsulti pa alang sa kamugnaan.)

Ang panagtigom, natumong sa pagsugod sa Season of Creation, nakatigom og 233 ka mga religious superiors gikan sa 159 ka mga kongregasyon. | Norman Dequia, CBCP News