Tulobagon sa pagkapari nagsugod sa konsensiya, dili sa pamalaod

Usa ka Katoliko nga obispo miingon nga ang malungtarong tulobagon sa mga pari wala kaayo magdepende sa mas estrikto nga regulasyon kondili sa personal nga integridad ug maayo nga pagka-umol nga konsensiya.
Si Obispo Gerardo Alminaza sa San Carlos miingon nga ang pamalaod sa Simbahan nagpabiling gikinahanglan apan dili kini makapuli sa kausaban sa sulod nga gikinahanglan aron makapuyo og matinud-anong pagkapari.
“Perhaps the deepest challenge is not simply having more regulations, but cultivating hearts so converted that integrity, simplicity, accountability, and pastoral charity become our natural way of life,” ingon ni Alminaza.
[Tingale ang pinakalawom nga hagit dili lang kay ang pagbaton og daghang mga regulasyon, apan ang pag-umol og kasingkasing nga nausab pag-ayo nga ang integridad, pagka-semple, tulobagon, ug gugma-pastoral mamahimong natural nga pamaagi sa pagkinabuhi.]
Ang obispo mihimo sa pamahayag agig tubag sa nagpadayon nga diskusyon kabahin sa tulobagon sa pagkapari ug mga lakang sa ‘safeguarding’ sulod sa Simbahan.
Ang kanhi chairman sa CBCP’s Episcopal Commission on Seminaries miingon nga ang mga regulasyon labing epektibo kon nagpalig-on kini sa lawom nga tumong sa makanunayon ug matinud-anon nga ministeryo, magsilbi nga pahinumdum sa bokasyon sa pagkapari imbis nga pamaagi lamang sa pagtul-id sa mga kasaypanan.
“Rules have their place, but they can never replace formation of conscience,” miingon siya.
[Adunay luna ang mga pamalaod, apan dili gayod sila makapuli sa pag-umol sa konsensiya.]
Miingon si Alminaza nga pinakamaayo nga dyosesis mao kadtong nagdagayday ang pagpanubag dili gumikan sa kahadlok sa silot apan gikan sa giambitan nga katuyoan sa pagkinabuhi sa bokasyon sa pagkapari uban ang integridad, semple ug matinud-anon kang Kristo.
Ang maong kultura, miingon siya, nagdasig sa mga pari sa pagsangon sa tulobagon nga gawasnon imbis nga motuman lang sa mga pamalaod aron makalikay sa silot.
Miingon si Alminaza nga ang matuod nga reporma sa Simbahan magsugod gayod uban ang konbersyon sa mga kasingkasing, nagrason nga walay bisan unsa nga regulasyon ang makapuli sa konsensiya giumol pinaagi sa Ebanghelyo ug inabagan sa tinuod nga pasalig sa serbisyo pastoral. | CBCP NEWS