Kapilya nga adunay importanteng obra sa kultura nakabaton og dugang kahimanan sa konserbasyon

Opisyal nga nakadawat ang Seminario Mayor de San Carlos (SMSC) of digital documentation sa St. Charles Borromeo Chapel niini, usa ka lakang sa nakita nga makapalig-on sa pagkonserba ug pagpangandam alang sa mga kalamidad alang sa usa sa mga gibahandi sa Sugbo isip eklesiyastikanhong marka sa lugar.

Niadtong Sabado, Agusto 16, 2025, ang SMSC midawat sa digital documentation, point cloud data, ug 3D building information model (BIM) ug 2D drawings gikan sa pribado nga mga kompanya sa Tsuneishi Technical Services Philippines (TTSP) ug Auksilyo Professionals.

Si Padre Brian Brigoli, ang pangulo sa Cebu Archdiocesan Commission of the Cultural Heritage of the Church, miingon sa iyang diskurso pag Sabado nga kining mga digital documentation mogiya sa seminaryo unsaon pagtrabaho o pag-usab sa kapilya ilabi na sa panahon nga adunay mga kalamidad.

Gihinumduman ni Brigoli atol sa 2013 nga linog nga miigo sa daghang mga simbahan sa Bohol ug Sugbo, kadto pa panahona gisulod sa digital records ang mga heritage churches.

“This technology aided us on how we are going to make pertinent decisions when it comes to conservation management,” miingon siya, gitiman-an nga ang daghang heritage churches sa Sugbo makabenepisyo sa susamang buhat sa dokumentasyon.

Miingon usab siya nga ang kapilya sa SMSC mahimong magsilbi nga una sa maong inisyatibo alang sa mas halapad nga digitalization project sa lokal nga Simbahan.

Gipahimug-atan ni Brigoli nga ang digital documentation dili lamang malimitado sa heritage churches kondili apil na ang ubang mga simbahan, tungod kay mahimo usab unya sila nga heritage churches sa umaabot.

“Maintaining the fabric, significance, and meaning would always present the sense of the pride of the people…of the Church,” miingon siya.

Ang digital documentation sa St. Charles Borromeo Chapel naduso sa dihang si Seminarista Jeremiah Gandionco, kinsa kasamtangang mohuman sa iyang masteral thesis sa Universidad ni Santo Tomas, gipili ang kaso sa SMSC chapel ug ang sentro nga krusipiho niini nga hinimo sa national artist nga si Napoleon Abueva.

Si Gandionco miingon nga samtang naglantaw siya sa mga dokumento sa establisimiento sa seminaryo, ang bahin sa kapilya hawa ug walay detalyado nga plano.

Alang sa bag-ong panid sa plano sa bilding, ang pinakabag-o nga teknolihiya ang gamiton aron pagdokumento sa lugar ug mga butang.

Si Gandionco miingon nga bisan tuod og wala siya maka-istar sa SMSC aron pagtuon og teolohiya, ang inspirasyon mao ang paghatag og ikatabang sa lokal nga seminaryo.

Si Padre Abel Villarojo, ang SMSC dean of studies, miingon sa iyang diskurso nga ang gitun-an ni Gandionco dili angay nga ipakagamay ngadto lamang sa resulta sa akademya tungod kay alang kini sa pagtipig sa kabilin ug pagka-responsable nga piniyalan.

Pagka Pedrero karong tuiga, ang Krusipiho sa SMSC gideklarar nga importante nga kabtangan sa kultura, na-rehistro kini sa Cebu City Cultural Heritage Registry ubos sa administrasyon sa kanhi mayor, Raymond Alvin Garcia. | John Paul Seblos