28 ka mga seminarista, bag-ong alagad sa eyukaristiya

Atol sa Kapistahan ni San Bartolome, 28 ka mga seminarista sa Seminario Mayor de San Carlos (SMSC) ang mapasalamaton sa Ginoo sa gasa sa bokasyon sa ilang pagsulod sa pagpangalagad isip lektor ug akolito sa Santos nga Misa.

Pito ka mga seminarista sa Class of Palms nadawat sa Ministeryo sa Akolito, samtang 21 ka seminarista sa Class of Fleur ang nadawat sa Ministeryo sa Lektor.

Gipangulohan ni Arsobispo Alberto S. Uy ang Santos nga Misa ug pagpahigayon sa Rito sa pagdawat sa mga bag-ong alagad sa liturhiya didto sa St. Charles Borromeo Chapel sa SMSC.

Sa iyang homiliya, gipahimangnoan ni Uy ang mga seminarista ug ang mga bag-ong nadawat nga lektor ug akolito sa pagpabilin mapaubsanon, nagpahimug-at siya nga ang bokasyon dili usa ka kalamaposan apan gasa gikan sa grasya sa Dios.

“Before you ever imagined yourself wearing a cassock, standing at the ambo, or serving at the altar, Jesus had already seen you under your own ‘fig tree.’ He saw everything. He saw your generosity and your dreams. But He also saw your weaknesses, your doubts, your struggles, perhaps even those moments when you wondered, ‘Lord, para gyud ba ni nako?’ And still He called you,” miingon ang arsobispo.

Gipahimug-atan usab niya ang kahibalo sa pagkatinawag ni Kristo nga magdala ngadto sa pagkamapaubsanon.

“That should keep all of us humble. Vocation is not our achievement. Vocation is God’s grace. We are here not because we are better than others, but because somehow, mysteriously, Jesus looked at us and said, ‘Come, follow me’,” miingon siya.

Ngadto sa mga bag-ong lektor, nag-awhag ang arsobispo kanila dili lamang sa pagsangyaw sa Pulong sa Dios apan usab sa pagtugot sa Pulong sa pagsulod sa ilang kinabuhi aron mausab sila.

“There is a danger in seminary life. Because you hear Scripture every day, study theology, attend Mass, pray the Liturgy of the Hours, sacred things can slowly become ordinary. Please don’t allow that to happen,” miingon siya.

Mipahinumdum ang Arsobispo sa mga lektor nga ang Kasulatan kinahanglan dili mahimong libro lamang o basahon lamang sa ambo.

“When you stand at the ambo and say, ‘The Word of the Lord,’ may people sense that this Word has already passed through your own heart. Because ultimately, a good lector is not simply someone who reads the Word clearly. A good lector is someone who tries to live the Word faithfully,” miingon siya.

Sa mga bag-ong nadawat nga akolito, mipahimangno ang arsobispo kanila nga ang ilang ministeryo sa altar nagtawag kanila sa mas lawom nga paghalad.

“Never become so familiar with the altar that you forget Who is on the altar,” miingon siya.

Kabahin sa pormasyon sa seminarista ang pagdawat ngadto sa Ministeryo sa Akolito nga nagkahulogan sa pagsalmot sa misteryo ni Kristo, kinsa naghatag sa iyang kaugalingon ug anaa sa Eyukaristiya, sa asembliya ug sa iyang mga kaigsuonan. Ang pagka-lektor naghagit sa seminarista sa pagtugot sa kaugalingon nga ma-usab pinaagi sa Pulong sa Dios, ang tumong sa iyang pag-ampo ug pagtuon, (The Gift of Priestly Vocation no. 72). | RCAC FB