Kahiusahan sa mga kristiyanos usa ka sagradong bokasyon

Pinaagi sa pag-ampo nga giduyogan sa maanindot nga huni sa musika alang sa Dios, pinangulohan sa Bukas Loob sa Diyos, pormal nga gitapos ang Cebu Archdiocesan Week of Prayer for Christian Unity didto sa Redemptorist Church niadtong Enero 27, 2027. Subay sa tema nga, “There is one body and one spirit, just as you are called to the one hope of your calling (Eph. 4:4),” nagmalampuson ang pagsaulog sa usa ka semana nga pag-ampo alang sa kahiusahan sa nagkalain-laing mga Kristiyanong Denominasyon, pinangulohan sa Simbahang Katolika. Sulod sa semana sa pag-ampo, ang mga prayer services gihimo sa nagkalain-laing mga dapit, ug gisugdan niadtong Enero 21 sa San Carlos Seminary College, diin sa susamang adlaw gi-host usab ang ikatulo nga adlaw sa National Week of Prayer for Christian Unity.

Ang pagtapos sa usa ka semana nga kasaulogan gisugdan sa panihapon, ug human niini gisunod ang pag-ampo sulod sa simbahan. Nagkalain-laing mga awit ang gihalad, og usab gibasa ang mga basahon ug gikanta ang salmo. Nagkalain-laing mga represnetante usab ang mitambong sa maong kasaulogan ug miduyog sa pag-awit sa mga awit alang sa Dios. Bisan sa managlahing doktrina sa pagtuo, nahiusa ang tingog sa tanan sa pagdayeg alang kang Kristo.

Diha sa mensahe ni Rev. Paul Ramos Abella sa United Church of Christ in the Philippines kon UCCP nga iyang gimantala diha sa iyang Facebook account, iyang gipasabot nga ang Ecumenism dili pagkompromiso sa pagtuo, kondili mao ang pagpadayag sa pag-ampo ni Kristo, nga unta ang tanan mahiusa. Iyang gipasabot nga ang pagpangita sa kahiusahan sa mga Kristiyanos dili pagbiya sa doktrina sa Simbahan, kondili pagpasidungog sa Ginoo nga nagdapit sa tanan sa paghigugma sa usa’g usa isip mga saksi dinhi sa kalibutan.

Dugang pa ni Rev. Abella, ang kadtong mga nagpalambo sa ecumenism nagtuo nga ang kahiusahan wala magpapas sa kalahian sa matag usa, apan nag-agda sa usa ka pakigdayalogo nga nag-ugats akamatuoran, pagpaubos, ug pagtahod sa usa’g usa. “The early Church itself was diverse, yet bound together by one spirit, one Lord, and one baptism (Ephesians 4:4-6)” Iya usab gipadayag nga ilang girespetaran ang pagbatok sa uban kabahin niining ecumenism tungod sa kabalaka alang sa kaputli sa doktrina, apan mipahinumdom siya nga ang kamatuoran ug ang gugma dili gayud mabuwag sa usa’g usa, ug nga ang matuod nga panaghiusa dili makapahuyang sa Ebanghelyo, apan magpalig-on sa kredibilidad diini diha sa nagkabahin-bahin nga kalibutan. “Ecumenism does not ask us to silence convictions, but to listen without fear, to cooperate without compromise, and to bear witness together to Christ in a world wounded by division. When Christians choose dialogue over division, they reflect the reconciling heart of God.

Gitapos ni Rev. Abella ang iyang mensahe sa pag-ingon nga giniyahan sa Espirito Santo ang maong lihok sa panaghiusa sa Kristiyanong denominasyon. “In supporting ecumenism, unity is not man-made but Spirit-led, not political but pastoral, not shallow agreement but a shared commitment to Christ. Unity among believers is not optional–it is a sacred calling.” | Stephen Salvado