Walay relihiyon nga makaluwas?

Atong ikatambag sa mga tawo nga moingon nga “way relihiyon nga makaluwas”.

Ang Bibiliya

Ang tawo nga way relihiyon dili modawat nga dunay Dios, “Manimalos ang Dios pinaagi sa pagdugmok sa wala moila Kaniya” (Sirac 35:18), in English “He will crush the heathen “walay relihiyon”. “You are doomed, you who are irreligious who abandoned the law of God Almighty” (Sirac 41:8).

Alaot kadtong way relihiyon ug mibiya sa balaod sa Dios (Sir. 41:8). Mga tawo nga mutuo apan dili mobuhat sa sugo sa Dios dili maluwas (Mat. 19:17). “Kon gusto ka’ng maluwas tumana ang sugo.”

Si San Pablo miangkon sa iyang kabatan-on nga matinumanon siya sa tinuhoan sa mga Judio. Ug bangis niyang paglutos sa Iglesia sa Dios (Gal. 1:13) “Si Pablo nga naglutos kanato karon nagmantala sa tinuhoan nga kaniadto iyang gilutos” (Galacia 1:23).

Dunay Relihiyon nga Makaluwas

“Ang relihiyon nga putli ug walay buling sa atubangan sa atong Dios ug Amahan mao kini: Ang pagtabang sa mga ilo ug sa mga balo sa ilang kagul-anan ug sa paglikay sa mga kangilaran dinhi sa kalibutan” (Santiago 1:27). Si San Pablo miingon, “Itugyan ko sa kaluwasan ang Iglesya nga walay buling,” nagsul-ob sa bag-ong tawo diha sa pagkamatarung ug pagkabalaan” (Efeso 4:24).