Pamisa pangwarta sa pari?

PAGSUPAK:
Klaro nga ang mga paring Katoliko, “Dunay Pamisa,” ug bayran ni sa nagpamisa nga Katoliko. Ang Doktrina, nga ang kalag sa namatay maluwas, salapi sa pamisa. Bakak kini.

TUBAG:
Ang doktrina sa Iglesya Katolika, “Ang kalag sa tawo hukman dayon sa Dios, “Human sa kamatayon hukman dayon ang kalag sa tawo” (Heb. 9:27). Sa commentary of the Bible, nag-ingon, “Mga kalag nga dunay gamay’ng sala, wala sila makasulod dayon sa langit ug wala sad sila maimperno. Prisohan sa kalag nga gamay’ng sala, ang purgatory linisanan… ug matabangan sila pinaagi sa pag-ampo.
Si Judas Macabeo pangulo sa gubat nakaamgo siya nga may mga sundalo niya nga may sala ug nangamatay sa gubat. Gi-agda niya ang iyang mga kauban sa pag-amot og salapi. Nikabat og 2,000 ka salaping plata. Ug iya kining gipadala sa sacerdote sa Templo alang sa ihalad ang sacrificio alang sa mga nangamatay. Si Macabeo miingon ngadto sa mga tawo nga mibulig kaniya. “Maayo ug balaan ang inyong pag-ampo alang sa nangamatay aron sila mabadbaran sa ilang mga sala. Kining buhata maayo kay dunay pagkabanhaw, kay kon walay pagkabanhaw, walay kapuslanan kining buhata” (2 Macabeo 12:41-45).

NAA SA BIBLIYA
Si San Pablo sa pagkahibalo niya si Oniseforo iyang suod nga higala namatay, nag-ampo siya, “Oh Ginoo, kaloy-i ang akong higala sa nahidangat kaniya” (1 Timoteo 16:18). Si Oniseforo higala ni Pablo. Ang pagdala og mga salapi sa halad sa templo sa mga sacerdote. (2 Macabeo 12:43). Ug si Jesus nagsugo sa iyang mga apostoles sa ilang pagsangyaw sa lain-laing dapit, angay sila sa tabang sa mga tawo ug usab suhol sa ilang kahago. (Lukas 10:17).