Ang Iglesia ni Cristo (1914): Mubo nga pagsusi sa kasaysayan ug doktrina

Ang Biblia nagsugo kanato sa dili pagtuo sa tanang espiritu kundili himuon una ang pagsusi sa mga panudlo niini (1 Juan 4:1). Kini tungod kay ang pagdawat sa sayop nga doktrina mamahimong modangat sa kapildihan sa kalag.

Subay niining maong kamatuoran atong susihon ang usa sa mga iladong grupo sa relihiyn nga natukod dinhi sa Pilipinas nga nagsaulog sa ilang anibersaryo karong Hulyo 27— ang “Iglesia Ni Cristo” nga gipangunahan og tukod ni Felix Ysagun Manalo. Sila nagpasiatab nga sila mao ang tinuod nga relihiyon ug ang bugtong kahimanan sa kaluwasan. Kining maong pagsusi bunga dili lang sa rason nga gihisgutan sa taas, kundili sila mismo nag-agda sa pag-ingon —— “Satan…is called “the father of lies.” It is, therefore, incumbent upon the seeker of truth to investigate the teachings of a church, for, once a man is led astray and dies as one deceived, the lake of fire is his inevitable destiny, as the Scripture points out” (PASUGO March 1966, page 47). Dili tumong niining pagsusi ang pagdaut kang bisan kinsa, kundli ang prisipyo nga naggiya niini mao ang gitudlo ni San Pablo: pagsulti sa kamatuoran uban ang gugma (Efeso 4:15).

Adunay upat ka mga haligi diin nagbarog ang Iglesia ni Cristo (1914): (1) Ang Total Apostasy, (2) Felix Y. Manalo: Ang Huling Sugo ng Dios, (3) Ang Ngalan sa Iglesia, ug (4) si Cristo dili Dios. Apan niining atong pagsusi ang unang tulo lang ang atong hisgutan sanglit ang ika-upat natuki na nato sa miaging isyu niining pamantalaan.

I. Ang “Total Apostasy”

Matud pa sa INC (1914) human mamatay ang katapusang apostol sa Unang Siglo natalikod ug nahanaw ang matuod nga iglesia. Ang maong pagtalikod maoy usa ka hingpit nga pagtalikod: “ganap na natalikod.” Sa laing termino nila: “Nalipol na lahat.” Matud pa sa ilang magasin —— “Ang Iglesiang itinatag ni Cristo noong unang siglo ay ganap na natalikod. Walang natirang kaanib sa Iglesia ni Cristo. Ang mga sumalangsang at sumuway sa bulaang propeta ay pinagpapatay. Ang mga hindi napatay ay sumunod sa kanilang hulihan, — inagaw nila sa pagsunod sa hulihan ni Cristo. Ang Iglesia ni Cristo ay ganap na natalikod” (PASUGO Mayo 1961, pp. 21-22). —— “Sa isang paksang mababasa sa nakaraang labas nitong Pasugo (Disyembre) ay ipinaliwanag kung saan naroon ang Iglesiang itinayo ni Cristo noong unang siglo sa Jerusalem. Ito ay natalikod…Kaya walang natirang tupa si Cristo noong unang siglo. Nalipol na lahat” (PASUGO Enero 1964, p. 2).

Apan kini nga doktrina sa INC (1914) maoy usa ka dakong sayop nga pagtulon-an tungod kay kini naghimo sa atong Ginoong Jesucristo nga bakakon. Diha sa Biblia tin-aw ang mga pulong sa atong Manunubos. Sa dihang Iyang gitukod ang iglesia Siya nisaad niini nga bisan gani ang gahom sa impyerno dili gayod makabuntog sa iglesia nga iyang gitukod (Mat. 16:18). Iya usab kining gisaaran sa Iyang makanunayong pag-uban (Mat. 28:29). Mahitungod sa doktrina, ang saad sa Ginoong Jesucristo mao nga ang Espiritu Santo kanunayng uban sa iglesia ug magtudlo sa tibuok kamatuoran (Juan 14:16, 26, Juan 16:13). Tungod niining mga balaang saad sa Ginoong Jesucristo ang iglesia magmapadayonon gayud (Ef. 3:20-21). Kining kinaiya sa matuod nga iglesia nga dili mabuntog, dili mahanaw gitawag og “The Indefectibility of the Church.” Sa kasaysayan sa iglesia makita nga adunay mga mitalikod, apan dili ang tanan mitalikod, dili ang tibuok iglesia ang mibiya sa pagtuo. Walay “Total Apostasy” nga gitudlo ang Biblia ug wala usab kini mahitabo sa kasaysayan sa Santa Iglesia.

II. Felix Y. Manalo: “Ang Huling Sugo ng Dios”

Gitudlo sa INC (1914) nga si Felix Manalo kuno ang katumanan sa mga tagna sama pananglitan sa nasulat sa Isaias 46:11 nga “ibong mandaragit (bird of prey).” Pangutana: Mohaum ba si Felix Manalo sa maong teksto ug sa nalatid sa kasaysayan?

Sumala sa kamatuoran diha sa Biblia ug kasaysayan dili si Felix Manalo ang katumanan niining maong teksto: Isaias 46:11. Ang “ibong mandaragit” diha — sa Hebreo “ayit” — nagsimbolo kana sa usa ka mananakop (invader)(F. Brown, S. Driver, and C. Briggs, The Brown-Driver-Briggs Hebrew and English Lexicon, USA: Hendrickson Publisher 2015, p.743) o usa ka magmamando (ruler)(Isaiah 46:11 Lamsa Version). Si Felix Manalo ba “invader”? Siya ba usa ka “ruler”? Wala siya bisan asa sa duha! Busa, husto ang sulti sa mga iskolar sa Biblia nga ang katuman sa Isaias 46:11 mao si Ciro sa Medo-Persia. Pananglitan —— “The east is Persis (ch. Xli. 2); and the distant land, the northern part of Media (as in ch. Xiii. 5) Cyrus is called an eagle or strictly speaking, a bird of prey (“ayit”)…the overthrown idolatrous Babel, upon which Cyrus comes down like an eagle, in the strength of Jehovah… that is to say, of the one God who is now foretelling and carrying out the destruction of the imperial city through the eagle from the east” (Old Testament Commentaries: Vol. 5 Isaiah XV to Ezekiel XXIV, Keil and Delitzsch. Grand Rapid, Michigan Associated Publisher and Acthas Inc., pp. 289-290).

Dugang pa, si Felix Manalo gitawag usab nila nga “Ang Huling Sugo ng Diyos sa Wakas ng Lupa” (PASUGO Hulyo 1956, p. 7). Timan-i singular ang gigamit: “Wakas ng Lupa.” Pangutana: Sumala sa INC mismo unsa man ang kahulugan sa “wakas ng lupa” (singular)? Tubag: “ikalawang pagparito ni Cristo o araw ng paghuhukom” (PASUGO Setyembre 1953, p. 32). Tungod kay wala pa man ang Adlaw sa Paghukom kun “wakas ng lupa,” nan, wala pa diay masugo są Dios si Felix Manalo! Kinsa man ang naghatag kang Manalo og otoridad kung walay pagtawag gikan sa Dios? Busa, ang ilang pangangkon ilohikal na ug dili pa gyud matinud-anon sa kasaysayan.

III. Ang Ngalan sa Iglesia

Giangkon usab sa INC (1914) mao nga sila kuno ang tinuod nga iglesia tungod kay sila mao ang nagdala sa orihinal nga ngalan sa iglesia — Iglesia ni Cristo. Kini maoy usa sa mga taktika nga ilang gigamit aron pagkabig sa uban. Apan ang tinuod mao nga sa dihang gitukod sa Ginoong Jesucristo ang Iyang iglesia wala Niya kini hinganli kundili nagbilin siya og mga timailhan unsaon pag-ila ang tinuod nga iglesia: (1) gitukod mismo ni Cristo, walay proxy, (2) adunay koneksyon kang San Pedro, ang bato, ug (3) nagmapadayunon kini (Mat. 16:18). Diha sa Iyang kaalam, wala nganli ni Cristo ang iglesia tungkod kay nasayud Siya nga ang mga mini nga magtutudlo ug mga bakakong propeta mogamit sa Iyang ngalan aron pagsaag sa daghan (Mat. 24:4-5). Pangutana: Sumala sa ebidensya kinsa man ang nagtukod sa Iglesia Ni Cristo nga mitungha dinhi sa Pilipinas niadtong 1914 — si Cristo ba o adunay lain? Ang tubag: Adunay lain: si Felix Y. Manalo ug mga kaubanan. Ang ila mismong rehistro nagtug- an nga human sa ilang “meeting” didto sa Punta Santa Ana, ilang nadesisyonan nga ang ngalan sa ilang sekta “Iglesia ni Kristo” ug kini ilang iparehistro sa gobyerno..

Matud pa sa ilang rehistro mismo —— “That the founders of this association are: Felix Manalo, of Taguig, Rizal, P.I.; Pedro Inocencio, Atanacio Morte, Felicisimo R. de Leon, Federico Inocencio, Gorgonio Sta. Mesa, Mariano Diosinito, Juan de la Cruz, Juana de la Cruz, Emilia R. de Leon, Barbara Cordero, Engracia Ramos…Remegia G. Guevarra…Serapio Dionisio, Vicente Reyes, Paulino Dimagila, Paulino Dingding Bayan, Honorata G. Manalo and Hugo Santos…”

Ang ila usab nga magasin nagsulti sa samang pag-angkon —— “Way back on July 27, 1914, the Church of Christ was registered with the Philippine government. The registration papers state among other things that Brother Felix Y. Manalo is the founder of the Iglesia ni Cristo” (PASUGO May 1997, p. 11). Klaro ang pag-angkon nila: si Felix Manalo maoy nagtukod sa ilang iglesia.

Kung ngalan lang mamahimo kaayo kining sundugon sa uban. Apan ang tulo ka mga timailhan diha sa Mateo 16:18 dili mahimong sundugon lang nga walay basehanan diha sa kasaysayan. Ug timan-an: Dili ang ngalan maoy makapatinuod sa ginganlan. Ang sukâ magpabiling sukâ bisan isulod pa sa botelya sa Coke. Ang tinukod sa tawo bisan og “Iglesia ni Cristo” pa ang ipangan niana magpabilin kanang iya sa tawo ug dili tinuod nga iglesia. Matud pa sa ilang magasin —— “Ang tunay na Iglesia ni Cristo ay iisa lamang, ito ang Iglesiang itinayo ni Cristo. Kung mayroon mang magsisibangon ngayong mga iglesia at sasabihing sila man ay Iglesia ni Cristo rin, ang mga ito ay hindi tunay kundi huwad lamang! (PASUGO May 1968, p. 7). Pro Deo et Ecclesia.