A witness, not a performer

Usa ka female college student, talented – champion sa spoken poetry sa ilang campus, nahimong delegate sa Bible week sa ilang Lungsod. Gidayeg sa tanan tungod kay maayo kaayo nga nagmantala sa pagkabililhon sa pulong sa Dios sa kinabuhi sa tawo. Didto sa bantawan naghilak siya nga nagdiskurso sa iyang tinagik nga balak. Mosaka kanaog ang iyang tingog ug haom kanunay ang mga pulong nga iyang gilitok. Daw hait kini nga espada nga milagbas sa kasingkasing sa tanan nga mitan-aw. Ug nakapalugmaw’g luha sa uban nga naminaw. Nakapahumok sa tig-ang kasingkasing. Daghang mipakpak ug milamano kaniya human sa iyang makapakugang nga performance. Sa dihang natapos ang programa, nagbuwag-buwag ang katawhan aron pagpaniudto. Ug didto sa carenderia, usa ka bata misangpit sa iyang inahan, “Nay kanang babaye nga nagbarog sa kanto ug nagyup-yup sa sigarilyo, dili ba siya kadto ang maayo mo – “spoken poetry” sa stage ganina?” “Oo, siya” , matud sa inahan. “Lahi ra lagi no?”, matud sa bata. Hu hu hu…

Mga igsoon, daghan kanato karon nga adunay talagsaong katakus, kahibalo ug kinaadman. Nindot tan-awon o paminawon sa entablado bisan diha sa pulpito og sa social media platforms. Apan kuwang sa witnessing. Dili kaayo nato matataw o makita o mabatyagan si Kristo diha sa inadlaw-adlaw’ng natong kinabuhi. Amen.