Bata dili angay bunyagan?

PAGSUPAK:

Si Jesus misugo sa mga apostoles sa “pagtudlo sa mga tawo, human niana bunyagi sila.” Walay apil sa bunyag ang bata kay dili pa makasabot (Mat. 28:9). Ang bunyag paghugas sa sala. Ang mga gagmay’ng bata wala pay sala.

TUBAG:

Ang pulong sa Dios matuod. Ang gagmayng bata nakapanunod sa kawalay grasya sa atong ginikanan (Pagbangutan 5:7). “Ang bata naa pa sa tagoangkan sa inahan duna nay sala. Ang bata natawo sa kasal-anan” (Isaias 48:8, Sal. 51:5). Kon mamatay ang bata nga walay grasya dili makasulod sa langit. (adto sila sa kahimtang sa kalipay apan dili pa makakita sa Dios (limbus puerorum). Ang Ginoo nagtudlo “Ang tanan nabunyagan nagsul-ob ni Cristo” (Gal.3:27). Pagbuot sa Ginoo nga mahinlo ang bata sa sala’ng panulondon pinaagi sa bautismo o bunyag. “Gawas ang tawo matawo pag-usab pinaagi sa tubig ug sa espirito dili siya makasulod sa langit” (S. Juan 3:5). Ang Ginoo nagpahibalo niini, “Kamo nga mga dagko, maghinulsol ug magpabunyag aron mapasaylo ang inyong sala.” (Buhat 2:38). Ug gipahibalo sa Ginoo, “Kining saad sa bunyag dili lang sa mga dagko na, alang usab sa gagmay’ng mga bata” (Buh. 2:38-39). Sa panahon sa apostoles. “Ang pagbunyag dili lamang sa mga dagko na kondili sa tanang sakop sa panimalay” (Buhat 10:15).

ANG PAAGI SA BUNYAG

Dili lang pagbunyag sa pastusmaw sa tawo sa tubig (immersion) kondili sa pagbubo o sa pagbisbis sa tubig “Unya bisbisan Ko kamo sa malinis nga tubig ng kamo mahinlo gikan sa tanan ninyong kahugawan” (Ezeq. 30:25) Si Saulo nga gitawag og Pablo, gibunyagan ni Anarias sulod sa balay, dili sa sapa o’ sa dagat, (Buhat. 9:17-18).